ESOL English Course Info
ESOL英文班資訊

This page is about ESOL English course for adults. Information provided in this page is for reference only and shall never be regarded as a professional or legal advice.
呢頁係關於為成人而設嘅 ESOL 英文班事宜。本頁資訊謹供參考，並不應視之為專業或法律意見。

Useful links
有用連結

ESOL 英文班 Q&A（有心學英文嘅必睇）

Q1: 咩係ESOL？

A1: ESOL 即係English for Speakers of Other Languages，係英國政府專為新移民而設嘅資源，等新移民盡快提升英文能力，盡快融入英國社會。

Q2: 咩人可以報ESOL 英文班？
A2: 如果有BN(O) visa 嘅話，16歲或以上就可以報ESOL 英文班。

Q3: 我呢家有LOTR 但仲未有BN(O) visa，可唔可以上ESOL 英文班？
A3: 根據Trafford Council ESOL Coordinator 嘅講法，係未肯定LOTR 朋友係咪可以上ESOL 英文班，不過佢都建議大家照報名先，因為佢會照樣為LOTR 朋友仔做英文能力評核，等你有BN(O) visa 嘅時候，再睇下點樣安排你上堂。同埋佢呢家嘗試籌備社區自發嘅conversation group，等大家可以同住喺附近嚟自唔同背景嘅人可以一齊交流同埋互相支持兼學英文，如果成事，未有BN(O) visa 嘅朋友都可以到時報名參加。

Q4: ESOL 英文班係咪完全免費？
A4: 據了解，所有由 Trafford Council ESOL Coordinator 安排嘅 ESOL 英文班都應該係免費嘅。另外，Trafford Hongkongers CIC 都提一提，2021/22 財政年度，英國政府會津貼每名BN(O) visa holder 嘅大人上ESOL 英文班最多£800。

Q5: 點樣可以報ESOL 英文班？
A5: 有兩種方法：透過ESOL course in Trafford 條link 報名後，Trafford Council ESOL coordinator 再同你做一次評核，咁佢就可以根據你嘅能力建議你上某一個ESOL 班。但你亦可以直接向有ESOL 英文班嘅學府去報名，咁可能會快啲，但就未必知道係咪真係適合你。

https://gmesol.org/esol-in-trafford/

Q8: 通常一堂ESOL 英文班要上幾耐？一星期上幾多堂？成個課程上幾耐？
A8: 通常一堂係2 至3 個鐘。一星期一堂嘅課程會上半年，而一星期三堂嘅，會上六星期。主要都係平日日頭時間上。

Q9: ESOL 英文班係唔係一定係面對面咁同老師上堂？有冇網上班？
A9: ESOL 英文班有面授同網上授課兩種。ESOL Coordinator 提大家，如果你偏好某一種形式，可以同佢講。

Q10: 面授班通常喺邊度上堂？
A10: 主要都係Trafford College，但仲有其他學府會有ESOL 資源，ESOL Coordinator 會以大家報嘅地址，畀最適合嘅資源大家。

Q11: 我唔係住喺Trafford Council 嘅地方，可唔可以都嚟報Trafford Council 嘅ESOL？
A11: 道理上可以，你唔介意搭車或揸車麻煩。但係當然最好就係去返你地自己Council 底下嘅ESOL 班，咁樣會更有效運用資源。因為呢家通常都係8 至12 人一班，其實現有資源都未必太照顧到Trafford 嘅需求。如果你哋唔係住喺Trafford，其實可以參考下面立場新聞嘅報導，自發組織同Council 聯絡，睇下可以點樣幫到住喺你嗰區嘅香港人。其實Trafford Hongkongers 都係見到呢個報導之後受到啟發而成立，我哋得，大家都得嘅。 :)

https://www.thestandnews.com/society/%E8%8B%B1%E6%94%BF%E5%BA%9C%E8%B3%87%E5%8A%A9bno%E6%AF%8F%E4%BA%BA8%E5%8D%83%E5%85%83%E5%AD%B8%E8%8B%B1%E6%96%87%E6%B8%AF%E4%BA%BA%E5%88%86%E4%BA%AB%E8%88%87%E6%94%BF%E5%BA%9C%E5%90%88%E4%BD%9C%E7%B1%8C%E5%8A%83%E7%B6%93%E9%A9%97

Q12: 如果我有嘢想問Trafford Council 嘅ESOL Coordinator，可以點樣搵到佢？
A12: 可以透過email 搵佢。

esol@trafford.gov.uk

Q13: 我真係好怕講錯寫錯英文，ESOL Coordinator 有冇咩建議？
A13: ESOL Coordinator 建議大家一定要積極參與學習，因為呢個係學生責任。仲有，就係千祈唔好怕犯錯，因為只有你犯錯，老師先會知道你犯錯，從而幫你改正，咁你先會有進步。

Q14: 我用上面網址報名之後，要等幾耐先會有網上評核我嘅英文能力？
A14: ESOL Coordinator 話，成個Trafford Council 都係得佢一個去做呢個網上評核，加上呢有百幾人報名，所以佢要幾個星期先可以聯絡到大家去做個網上評核，請大家耐心等待，同埋「Relax~」。不過大家都要有心理準備，可能會入waiting list 一段時間先有位上ESOL 英文班。

Q15: ESOL 英文班以及今個財政年度津貼BN(O) visa 持有人£800，算唔算係「public funds」？
A15: 唔算。Public funds 嘅定義以及所包括嘅項目，請參閱英國官方網頁：

https://www.gov.uk/government/publications/public-funds--2/public-funds